ଓଏନଏଲ୍(ବ୍ୟୁୁରୋ) - ୩୧ ବର୍ଷୀୟ ଭାରତୀୟ ପେସର ଅଙ୍କିତ ରାଜୁପୁତ କ୍ରିକେଟରୁ ଅବସର ଘୋଷଣା କରିଛନ୍ତି । ଇନଷ୍ଟାଗ୍ରାମ ପୋଷ୍ଟ ମାଧ୍ୟମରେ ଅଙ୍କିତ ନିଜର ଅବସର ଘୋଷଣା କରିଛନ୍ତି । ୨୦୦୯ ମସିହାଠାରୁ ୨୦୨୪ ୩ ପର୍ଯ୍ୟନ୍ତ ତାଙ୍କର ଏହି କ୍ରିକେଟ ଯାତ୍ରା ବେଶ୍ ଶାନଦାର ଥିଲା ବୋଲି ସେ କହିଛନ୍ତି ।
ଅଙ୍କିତ ଚେନ୍ନାଇ ସୁପର କିଙ୍ଗସ (ସିଏସକେ) ତରଫରୁ ମହେନ୍ଦ୍ର ସିଂହ ଧୋନୀଙ୍କ ସହ ଖେଳିଥିଲେ । ଅଙ୍କିତଙ୍କୁ ଭାରତୀୟ କ୍ରିକେଟ ଟିମ ତରଫରୁ ଖେଳିବାକୁ ସୁଯୋଗ ମିଳିନଥିବା ବେଳେ ସେ ଘରୋଇ କ୍ରିକେଟରେ ଦୀର୍ଘ ବର୍ଷ ଧରି ଉତ୍ତରପ୍ରଦେଶ ପାଇଁ ଖେଳୁଥିଲେ । ଅଙ୍କିତ ପ୍ରଥମ ଶ୍ରେଣୀ କ୍ରିକେଟରେ ୮୦ଟି ମ୍ୟାଚ ଖେଳି ୨୪୮ ୱିକେଟ ଅକ୍ତିଆର କରିଛନ୍ତି । ୨୫ ରନ୍ ଦେଇ ୬ ୱିକେଟ ହାସଲ କରିବା ହେଉଛି ତାଙ୍କର ସର୍ବଶ୍ରେଷ୍ଠ ପ୍ରଦର୍ଶନ । ନିକଟରେ ଅଙ୍କିତ ୟୁପି ତରଫରୁ ରଣଜୀ ଟ୍ରଫି ଖେଳୁଥିଲେ ।